Esther

Fars hökmdarı I Kserks saray əyanları üçün böyük ziyafət təşkil edir. Şənliyin son günlərində şah xanımını qonaqlara göstərmək istəyir, lakin rədd cavabı alır. Buna qəzəblənən Kserks arvadını kraliçalıq rütbəsindən məhrum edir və saraya hər tərəfdən ən gözəl qızların gətirilməsini buyurur. Onların arasında olan gənc yəhudi qızı Esther şahın rəğbətini qazanaraq onun yeni zövcəsi seçilir.

Bir müddət sonra saray əyanı Haman şahı inandıraraq ölkədəki bütün yəhudilərin məhv edilməsi barədə razılıq alır. Xalqının qırğına məruz qalacağını öyrənən gənc hökmdar qadın kənarda qala bilmir. O, öz soydaşlarını qorumaq məqsədilə sərt və qəddar padşahın qarşısına çıxmaq qərarına gəlir.

1999-cu ildə çəkilən «Esther» tarixi dram filminin rejissoru Raffaele Mertedir. Layihə ABŞ, İspaniya, Böyük Britaniya, Almaniya, Fransa, İtaliya, Niderland və Çexiyanın birgə istehsalıdır. Ekran əsərində əsas obrazları Luiza Lombard, Ornella Muti, F. Mürrey Abraham və Yurgen Proxnov canlandırıb.