Jasaneobo

1801-ci ildə kral Çonconun vəfatından sonra Çoson dövlətində katolisizmə inananlara qarşı təqiblər başlayır. Sarayda xidmət edən alim Çon qardaşları da bu səbəbdən cəzalandırılır. Qardaşlardan biri edam olunur, digər ikisi isə bir-birindən ayrı düşərək fərqli yerlərə sürgün edilir. Sürgün olunan Çon Yak-çon ucqar Hıksan adasına gəlib çıxır.

Adada o, Çhan-de adlı gənc bir balıqçı ilə qarşılaşır. Çhan-de gündüzlər balıq ovlayır, asudə vaxtlarında isə konfutsiçilik fəlsəfəsinin mətnlərini dərindən öyrənməyə çalışır. Yak-çon dəniz canlıları haqqında böyük bir kitab yazmağı planlaşdırır və bu gənclə razılaşır: o, balıqçıya təhsil almaqda kömək edəcək, Çhan-de isə dəniz aləminin sirlərini alimə izah edəcəkdir.

«Jasaneobo» tarixi bioqrafik dramını Cənubi Koreya rejissoru Li Çun-ik çəkib. 2021-ci ildə təqdim olunan filmdə əsas obrazları Sol Gyon-qu, Byon Yo-han, Li Con-ın və Min Do-hi canlandırıblar.