Dəmiryolçu

İkinci Dünya müharibəsi illərində ingilis zabiti Erik Lomaks yapon hərbçiləri tərəfindən əsir götürülür. Ağır hərbi düşərgə şəraitində işgəncələrə məruz qalan zabit burada dəmir yolunun inşasında işləməyə məcbur edilir. Azadlığa çıxdıqdan sonra leytenant Lomaks kapitan rütbəsinə yüksəlir.

Uzun illər keçsə də, keçmişdə yaşanan ağrılar onun yaddaşından silinmir. Təsadüfən qəzet məqaləsinə rast gələn keçmiş hərbçi düşərgədə ona zülm edən şəxslərdən birinin sağ olduğunu və Tailandda rahat ömür sürdüyünü öyrənir. Qisas hissi ilə yaşayan Erik illərdir kabuslarına girən bu insanla üz-üzə gəlmək qərarını verir.

Böyük Britaniya və Avstraliya istehsalı olan «The Railway Man» bioqrafik dram filmi Conatan Teplitski tərəfindən çəkilib. 2013-cü ildə təqdim edilən ekran əsərində baş rolları Kolin Fört, Nikol Kidman, Ceremi İrvin və Hiroyuki Sanada canlandırır.