Piyadanı qurban verərək

Soyuq müharibənin qızğın çağında iki nəhəng dövlət arasındakı rəqabət şahmat taxtası üzərinə daşınır. Reykyavikdə dünya çempionluğu uğrunda təşkil olunan qarşılaşma bütün planetin diqqət mərkəzinə çevrilir. Sovet çempionu Boris Spasski ilə şahmata bütün varlığı ilə bağlı olan amerikalı Bobbi Fişer üz-üzə gəlir.

Bu görüş sadəcə idman mübarizəsi deyil, fövqəldövlətlərin intellektual toqquşması halını alır. Turnir ətrafında qopan qlobal qalmaqal iştirakçılara böyük təzyiq göstərir. Spasski kənar təsirlərə dözməyə çalışarkən, Fişerin düşüncələri getdikcə güclənən şübhə və psixoloji gərginliyin təsiri altına düşür.

Rejissor Edvard Svikin ekranlaşdırdığı «Pawn Sacrifice» tarixi dramı 2014-cü ildə ABŞ-da istehsal olunub. Baş rolları Tobi Maquayr, Liv Şrayber, Maykl Stulbarq və Piter Sarsqaard canlandırıblar.