Jarhead

Əsgər ailəsində böyüyən Entoni Suofford qohumlarının yolunu davam etdirərək hərbi xidmətə yollanır. O, xüsusi düşərgədə ağır hazırlıq kursunu başa vurduqdan sonra Fars körfəzində müharibənin getdiyi Yaxın Şərq bölgəsinə göndərilir.

Snayper tüfəngi və ağır yüklə təmin olunan dəniz piyadası digər yoldaşları ilə birlikdə səhrada çətin sınaqlarla üzləşir. Döyüşçülər dözülməz istinin hökm sürdüyü bu məkanda hər an İraq ordusunun əsgərləri ilə toqquşma ehtimalını gözləyərək irəliləyirlər.

2005-ci ildə ekranlara çıxan «Jarhead» hərbi dram filminin rejissoru Sem Mendesdir. ABŞ, Böyük Britaniya və Almaniyanın birgə istehsalı olan layihədə əsas rolları Ceyk Cillenhol, Piter Sarsqaard, Ceymi Foks və Lukas Blek canlandırıblar.