Vicdan naminə

İkinci Dünya müharibəsi illərində ABŞ ordusunda xidmət edən hərbi həkim Desmond Doss silaha əl sürməkdən və kimisə öldürməkdən qətiyyətlə imtina edir. Şəxsi inanclarına sadiq qalan əsgər bu qərarına görə həm komandirlərinin, həm də döyüş yoldaşlarının ciddi təzyiqləri ilə qarşılaşır.

Okinava adası uğrunda gedən qanlı döyüşlər zamanı Doss ön cəbhədə yaralanan əsgərləri təkbaşına xilas etməyə başlayır. Bir güllə belə atmadan çoxlu sayda əsgəri xilas edən hərbçi, Amerika tarixində Şərəf medalına layiq görülən ilk vicdani imtinaçı olur.

Rejissor Mel Gibsonun çəkdiyi «Hacksaw Ridge» bioqrafik hərbi dram filmi 2016-cı ildə istehsal olunub. Əsas rollarda Endrü Qarfild, Sem Uortinqton, Tereza Palmer və Lyuk Breysi çəkiliblər.