Mariya

1977-ci ilin payızında dünya şöhrətli opera ifaçısı Mariya Kallas Parisdəki dəbdəbəli mənzilində günlərini tənha keçirir. Vaxtından əvvəl səhnəni tərk edən sənətçi burada iki pudeli və azsaylı ev personalı ilə birgə yaşayır.

Onun gündəlik qayğılarını iki sadiq köməkçi çəkir. Aşpaz qadın xörək bişirməklə yanaşı ev sahibəsinə xoş sözlər deyir, nökər isə ağır royalı otaqlar arasında daşıyır, dərmanları sayır və onu restoranlardan evə gətirir. Həmçinin həmin köməkçi Mariyanı xəyallarla danışmaq əvəzinə həkimə müraciət etməyə razı salmağa çalışır.

«Mariya» bioqrafik dram filmi rejissor Pablo Larrain tərəfindən çəkilib. ABŞ, Almaniya, İtaliya və Çili istehsalı olan bu ekran əsərində əsas rolları Ancelina Coli, Pyerfrançesko Favino, Alba Rorvaxer və Haluk Bilginer canlandırıblar.