Taksi sürücüsü

1979-cu ilin sonundakı hərbi çevrilişdən sonra Cənubi Koreyada hakimiyyətə Çon Du-hvan gəlir. Tələbə aksiyasının gülləbaran edilməsindən sonra Qvanqcu sakinləri rejimə qarşı kütləvi etirazlara başlayır. Hakimiyyət üsyanı yatırmaq məqsədilə bölgəyə ordu qüvvələrini yeridir.

Həmin ərəfədə Tokioda olan almaniyalı qəzet müxbiri ölkədə baş verənləri dünyaya çatdırmaq üçün Qvanqcuya getmək qərarına gəlir. Əcnəbi jurnalisti qaynar nöqtəyə aparıb geri gətirmək işini isə Man-sop adlı adi Seul taksi sürücüsü öz üzərinə götürür. Sadə bir gediş kimi başlayan bu səfər tezliklə hərbi patrullardan qaçışa çevrilir.

2017-ci ildə ekranlara çıxan «A Taxi Driver» tarixi dram filminin rejissoru Çan Hundur. Ekran əsərində baş rolları Son Kan-ho, Tomas Kreçman, Yu He-cin və Ryu Cun-yol canlandırıblar.