Bavariyalı Lüdviq

Bavariya taxt-tacının gənc varisi Lüdviq dövrünün sərt hökmdarlarından tamamilə fərqlənirdi. Hərbpərəst imperiyalar çağında xəzinəni doldurmaq və dövlət işləri ilə məşğul olmaq əvəzinə, onun bütün diqqətini incəsənət, musiqi və memarlıq layihələri cəlb edirdi. Hətta gəncin özü də atasının ümidlərini doğruldub layiqli davamçı ola biləcəyinə şübhə ilə yanaşırdı.

Buna baxmayaraq, hakimiyyət başına keçmək xəyalpərəst şahzadəni real idarəçiliyin içinə çəkir. Zaman keçdikcə siyasi oyunların mahiyyətini anlayan monarx qərarlarında daha təsirli olmağa başlayır. Beləliklə, o, ölkəsinin taleyində mühüm iz qoyaraq Bavariya keçmişinin əsas simalarından birinə çevrilir.

«Bavariyalı Lüdviq» bioqrafik tarixi filmini rejissorlar Peter Zer və Marie Noelle ərsəyə gətiriblər. Almaniya və Avstriya istehsalı olan ekran əsəri 2012-ci ildə işıq üzü görüb. Baş rolları Andre Ayzermann, Katarina Talbax, Bernd Birxan və Wowo Habdank canlandırıblar.