Birləşmiş Ştatlar Billi Holideyə qarşı

Ötən əsrin qırxıncı illərində məşhur caz ifaçısı Billi Holidey dövlət orqanlarının hədəfinə çevrilir. Hökumətin narazılığına səbəb müğənninin cənub ştatlarındakı linç hadisələrindən bəhs edən «Strange Fruit» mahnısını repertuardan çıxarmaqdan qəti şəkildə imtina etməsidir. Səhnədə bu kompozisiyanı səsləndirməyə davam edən sənətçi təzyiqlərə boyun əymir.

Federal Təhqiqat Bürosu müğənnini susdurmaq üçün onun zərərli vərdişlərindən və asılılığından istifadə etmək qərarına gəlir. Narkotiklərlə mübarizə şöbəsini prosesə cəlb edən qurum ulduzun izinə düşür. Onun etimadını qazanmaq və lazımi dəlillər toplamaq məqsədilə gizli afroamerikalı agent Cimmi Fletçer müğənninin çevrəsinə göndərilir.

2021-ci il istehsalı olan «The United States vs. Billie Holiday» bioqrafik musiqili dram filminin rejissoru Li Denielsdir. ABŞ istehsalı ekran əsərində Bleyk DeLonq, Ceff Korbett, Kvasi Sonqui və Riçard Jütra kimi aktyorlar çəkiliblər.