Kanningem

«Kanningem» sənədli filmi əfsanəvi amerikalı xoreoqraf Mers Kanningemin anadan olmasının 100 illik yubileyinə həsr olunub. Tanınmış sənətkar öz yaradıcılıq yoluna İkinci Dünya müharibəsindən sonra Nyu-York səhnələrində başlayıb.

Ekran əsəri rəqqasın 1942-ci ildən 1972-ci ilə qədər olan otuz illik fəaliyyət dövrünü əhatə edir. Layihədə nadir arxiv kadrları ilə yanaşı, xoreoqrafın qurduğu məşhur rəqslərin yenidən canlandırılmış müasir quruluşları yer alır.

2019-cu ildə işıq üzü görən bioqrafik filmin rejissoru Alla Kovqandır. ABŞ, Böyük Britaniya, Almaniya və Fransa istehsalı olan bu kinolentdə Kerolin Braun, Con Keyc, Eşli Çen və Brendon Kollvs çıxış edirlər.