Xaos lordları

Ötən əsrin səksəninci illərinin sonunda Norveçdə Evronimus ləqəbli gənc yerli blek-metal adlı yeni ağır musiqi cərəyanı yaratmağa çalışır. Onun təsis etdiyi Mayhem qrupuna İsveçdən uyğun vokalçı cəlb olunur, lakin çox keçmədən həmin musiqiçi öz həyatına qəsd edir.

Baş verən faciədən sonra qrup rəhbəri «Qara Dairə» adlı qapalı həmfikirlər birliyi formalaşdırır. Bu birliyə özünə Varq adını götürmüş Kristian adlı gənc daxil olur. Yeni üzv hesab edir ki, təkcə qaranlıq mətnlər yazmaq kifayət deyil və kilsələrin yandırılması kimi radikal əməllərə keçmək lazımdır.

«Lords of Chaos» bioqrafik dram filmi rejissor Yonas Okerlund tərəfindən lentə alınıb. ABŞ, Böyük Britaniya, Norveç, İsveç və Macarıstanın birgə istehsalı olan 2018-ci il ekran əsərində baş rolları Rori Kalkin, Qustaf Hammarsten, Vilson Qonsales və Klemens Kerinq canlandırıb.