No Good Men

2021-ci ilin yayında, “Taliban”ın hakimiyyətə qayıdışından az əvvəl Kabil şəhərində fəaliyyət göstərən Naru yerli televiziya kanalının yeganə qadın operatorudur. O, xəyanətkar ərindən ayrılmaq məcburiyyətində qalır və çətin günlər keçirir. Ölkənin patriarxal qaydaları ucbatından üçyaşlı oğlunun qəyyumluğunu itirmək təhlükəsi ilə üzləşən Naru Əfqanıstanda etibarlı kişilərin qalmadığı qənaətinə gəlir.

Tezliklə tanınmış reportyor Qodrat şəhərin azad günlərini əks etdirən süjetlər hazırlamaq üçün Narunu birgə çəkilişlərə dəvət edir. Kabil küçələrində onunla bərabər işləməyə başlayan gənc qadın daha əvvəl çıxardığı qəti hökmlərə yenidən baxmağa başlayır.

Bioqrafik, komediya və melodram janrlarını birləşdirən «No Good Men» filminin rejissoru Şəhrbanu Sadatdır. 2026-cı il istehsalı ekran əsərində baş rolları Torkan Omari, Liam Hussaini, Ali Hussein Assadi və Fatima Hassani canlandırır. Layihə Əfqanıstan, Almaniya, Fransa, Danimarka, Norveç və Niderlandın birgə əməkdaşlığı ilə ərsəyə gətirilib.