Kraliçanın ürəyi

Gənclik illərini Fransada keçirən və yerli vəliəhd ilə ailə quran Şotlandiya kraliçası Mariya Stüart ərinin vəfatından sonra vətəninə qayıtmaq qərarına gəlir. XVI əsrin sonlarında Şotlandiya və İngiltərə hələ də ayrı-ayrı krallıqlar idi. Mariya doğma torpaqlarında hakimiyyəti öz əlinə almaq üçün taxt-taca sahib çıxır.

Mariyanın qayıdışı dini qarşıdurmalardan yorulmuş İngiltərənin kraliçası Yelizavetanı dərindən narahat edir. Katoliklər məhz Mariyanı İngiltərə taxtının həqiqi varisi hesab edirdilər ki, bu da iki ölkə arasında gərginliyi artırırdı. Lakin şotland kraliçasının ehtiraslı xarakteri və atdığı səhv addımlar onun zəifləməsinə və nəticədə Yelizavetanın tam nəzarəti altına düşməsinə səbəb olur.

Almaniya istehsalı olan «Das Herz der Königin» tarixi dram filmi 1940-cı ildə ekranlara çıxıb. Ekran əsərinin quruluşçu rejissoru Karl Frölixdir. Filmdə əsas rolları Vill Kvadfliq, Hubert fon Mayerink, Erix Ponto və Ernst Ştal-Naxbaur canlandırıb.