Kallasdan öncəki Mariya

«Maria by Callas» sənədli filmi qırx illik sükutdan sonra dünya şöhrətli opera ifaçısının həyat yolunu onun şəxsi xatirələri və qeydləri vasitəsilə təqdim edir. Ekran əsəri nadir arxiv çəkilişləri, şəxsi fotoşəkillər və tarixi lentlər əsasında ərsəyə gəlib.

Kadrlarda sənətkarın zəmanəsinin görkəmli şəxsiyyətləri ilə ünsiyyəti nümayiş olunur. İzləyicilər Merilin Monro, Alen Delon, İv Sen-Loran, Con Kennedi, Lukino Viskonti, Uinston Çörçill, Qreys Kelli və Elizabet Teylor kimi tanınmış simaların yer aldığı tarixi anları görürlər.

2017-ci ildə Fransada istehsal olunmuş bu bioqrafik filmin rejissoru Tom Volfdur. Layihədə Mariya Kallasın arxiv səsləri ilə yanaşı, Fanni Ardan, Coys DiDonato və Devid Frost iştirak edirlər.