Pörl-Harbora hücum

1930-cu illərin sonlarında Yaponiya iqtisadi böhran, işsizlik və siyasi qarışıqlıq içində addım-addım müharibəyə doğru sürüklənirdi. Donanmaya rəhbərlik edən admiral Yamamoto isə ABŞ ilə toqquşmanın əleyhinə çıxış edən azsaylı şəxslərdən biri idi. Onun bu barışmaz baxışları ölkədəki militarist və millətçi dairələrin qəzəbinə səbəb olur, admirala hər gün sui-qəsd təhlükəsi yaradırdı.

İmperatorun himayəsinə və dənizçilərin böyük rəğbətinə arxalanan zabit, qarşıdurmanın qaçılmaz olduğunu anlayanda fərqli addım atmaq məcburiyyətində qalır. O, Amerika donanmasına sarsıdıcı zərbə vuran gizli əməliyyat layihəsini şəxsən hazırlayır. «Pörl-Harbora hücum» filmi qaçılmaz müharibə ərəfəsində verilən bu çətin qərarları əks etdirir.

2011-ci ildə Yaponiyada çəkilmiş bu tarixi bioqrafik ekran əsərinin rejissoru İdzuru Naruşimadır. Əsas obrazları Masaomi Hiraqa, Masato İbu, Tetsuo Yamaşita və Şunci İqaraşi canlandırıblar.