Müharibə allahı

Han sülaləsinin son dövrlərində Çin ərazisində daxili qarşıdurmalar kəskinləşir və Üç çarlıq erası yaxınlaşır. Sərkərdə Lyu Bey ölkədəki hərc-mərcliyə son qoyub torpaqları yenidən birləşdirmək niyyətindədir. Çanşanda yeddi il tərki-dünya həyat sürən bacarıqlı döyüşçü Çjao Szılu çaxnaşmalar səbəbindən Yeçen şəhərinə gəlir və burada Lyu Beylə yenidən rastlaşır.

Onun ölkəni qorumaq məqsədini dəstəkləyən qəhrəman təcrid olunmuş həyatından əl çəkərək mübarizəyə qoşulur. Tezliklə o, öz qabiliyyətlərini döyüş meydanında göstərməli olur. Hərbi toqquşmaların ortasında qalan Çjao Szıluya hökmdarın itkin düşmüş oğlunu axtarıb tapmaq tapşırılır.

«Müharibə allahı» (Zhao Zilong) tarixi döyüş filmi 2020-ci ildə Çində istehsal olunub. Ekran əsərinin quruluşçu rejissoru Lo Ledir, əsas rolları isə Mayk He, Van Liyun, Yan Sufın və Li Tyan-ye canlandırıb.