Sinifin qarşısında

Bred altı yaşından bəri Turett sindromundan əziyyət çəkir. Bu xəstəliyin əlamətləri kimi meydana çıxan hərəki və səs tiklərini idarə etmək mümkün deyil. Bütün maneələrə və insanların mühakimələrinə baxmayaraq, o, hələ kiçik yaşlarından müəllim olmaq arzusundan vaz keçmir.

Məktəblərə iş üçün müraciət edərkən ard-arda iyirmi dörd yerdən rədd cavabı alması da Bredin əzmini qıra bilmir. Təhsil ocaqlarının rəhbərləri onun vəziyyətindən ehtiyat etsələr də, qəhrəman qarşısına qoyduğu məqsədin arxasınca getməyə davam edir. O, nəhayət sinif otağına daxil olub uşaqlara dərs keçmək üçün hər cür çətinliyə sinə gərir.

ABŞ istehsalı olan bu bioqrafik dram 2008-ci ildə rejissor Piter Uerner tərəfindən ekranlaşdırılıb. Filmdə əsas obrazları Ceyms Volk, Trit Uilyams, Dominik Skott Key və Sara Drü canlandırıb.