Robin Williams: Zehnimə daxil ol

Səhnədəki tükənməz enerjisi və bənzərsiz zarafatları ilə tanınan aktyor dünya kino və komediya tarixinə dərindən təsir göstərib. «Robin Williams: Come Inside My Mind» sənədli filmi bu parlaq ifaçının şəxsi aləminə və yaradıcılıq yoluna nəzər salır.

Ekran əsərində indiyədək heç vaxt nümayiş olunmamış zəngin arxiv kadrlarından istifadə olunur. Baş qəhrəmanın öz səsi ilə səsləndirilən hekayə tamaşaçını onun həyat səhifələrinə aparır və onu daima irəli aparan daxili gücü üzə çıxarır.

2018-ci il istehsalı olan ABŞ filminin rejissoru Marina Zinoviçdir. Ekran işində Robin Uilyamsla yanaşı Mark Rasmussen, Sten Uilson və Con Hausmenin iştirakı ilə lentə alınan arxiv görüntüləri təqdim edilir.