Eterno visionario

1934-cü ildə italyan yazıçısı Luici Pirandello ədəbiyyat üzrə Nobel mükafatına layiq görülür. Bu mötəbər təltif dramaturqu keçmişinə nəzər salmağa və öz taleyinin qələmə aldığı pyeslərdəki qəribəliklərlə necə səsləşdiyini anlamağa vadar edir.

Sənətkarın şəxsi və yaradıcılıq yolu saysız-hesabsız sınaqlardan keçir. Əlyazmalarını yandıran həyat yoldaşının psixi xəstəliyi və sevdiyi aktrisanın ondan uzaqlaşması daxili dünyasını sarsıdır. Hakimiyyətin rəğbətindən kənarlaşdırılmağa qədər uzanan ziddiyyətli proseslər zamanı tamaşaçılar da bəzən onun səhnə əsərlərini fitə basır.

İtaliya istehsalı olan «Eterno visionario» bioqrafik dram filmi rejissor Mikele Plaçido tərəfindən ekranlaşdırılıb və o, layihədə aktyor kimi də yer alıb. 2024-cü ilin filmində baş rolları Karl-Filipp Venqler, Anna Gargano və Elena Valeri canlandırıblar.