Qotti

Con Qotti cinayətkar aləmdəki yoluna ən bəsit tapşırıqları yerinə yetirməklə başladı. Tədricən o, Nyu-Yorkun ən varlı və nüfuzlu ailəsinə rəhbərlik edərək mafiya dünyasının əsas simasına çevrildi. Bu mühitdə hakimiyyət və maddi qazanc hər cür mənəvi dəyərlərdən üstün tutulurdu.

Təsir dairəsini varisinə ötürmək vaxtı çatdıqda isə ata gözlənilməz maneə ilə üzləşir. Oğlu ailənin qanunsuz işlərindən uzaq durmaq istədiyini bildirərək atasının yolunu davam etdirməkdən imtina edir. Lakin ailənin varlığı təhlükə altına düşəndə gənc Qottinin necə addım atacağı sual altında qalır.

«Qotti» bioqrafik dram filminin rejissoru Kevin Konnollidir. ABŞ, Böyük Britaniya və Kanada istehsalı olan bu filmdə Qreq Prokaççino, Robert Pavloviç, Riz Koyro və Luis Da Silva kiçik kimi aktyorlar çəkiliblər.