Kəpənək

Törətmədiyi qətlə görə ömürlük həbs cəzasına məhkum edilən seyf qarətçisi Anri Şaryer ağır katorqaya göndərilir. Sinəsindəki döyməyə görə Kəpənək ləqəbini alan məhbus bu taleyi qəbul etmək istəmir. O, azadlığa çıxmaq üçün bir neçə dəfə cəsarətli qaçış cəhdi edir.

İntizamsızlığına görə hakimiyyət onu cəza kamerasına salır, ardınca isə okeanın ortasında yerləşən Fransız Qvianasındakı Şeytan adasına sürgün edir. Ətrafı su ilə əhatələnmiş bu dəhşətli həbsxanadan indiyədək heç kim qaça bilməyib. Buna baxmayaraq, Şaryer iradəsini qoruyaraq xilas olmaq fikrindən daşınmır.

«Papillon» bioqrafik cinayət dramını rejissor Franklin C. Şaffner çəkib. ABŞ və Fransanın birgə istehsalı olan bu ekran əsəri 1973-cü ildə nümayiş etdirilib. Əsas rolları Stiv Makkuin, Dastin Hoffman, Viktor Cori və Don Qordon canlandırıblar.