Köln 75

Köln şəhərində mühafizəkar ailədə böyüyən gimnaziya şagirdi Vera Brandes dərslərdən daha çox caz musiqisinə maraq göstərir. Axşamlarını şəhərin musiqi klublarında keçirən gənc qız tezliklə bu sahədə ilk addımlarını atır. O, hələ on altı yaşında ikən Ronni Skottun triosu üçün Almaniya üzrə konsert turnesi təşkil edir.

1973-cü ildə Vera atasının narazılığına baxmayaraq Berlindəki caz festivalına yollanır. Orada pianoçu Kit Carrettin ifasını canlı dinləmək fürsəti tapır. Eşitdiyi musiqidən təsirlənən qız Carrettin Köln şəhərində konsertini təşkil etmək və onu çıxışa dəvət etmək qərarına gəlir.

2025-ci il istehsalı olan «Köln 75» bioqrafik dram filmi İdo Flük tərəfindən çəkilib. Almaniya, Polşa və Belçika istehsalı olan ekran əsərində əsas rolları Leon Blohm, Xavier Belin, Suzanne Wolff və Julia Stolba canlandırır.