İp Man 4

1964-cü ildə İp Man xərçəng xəstəliyinə tutulduğunu öyrənir, bu ərəfədə isə oğlu davalara görə məktəbdən qovulur. Məhz həmin vaxt onun tələbəsi Brüs Li ustadını ABŞ-dakı karate çempionatına dəvət edir və ona təyyarə bileti göndərir. Ustad həm oğluna təhsil ocağı tapmaq, həm də oradakı çinli icmasının güzəranını görmək üçün San-Fransiskoya yola düşür.

Şəhərə çatdıqdan sonra məlum olur ki, yerli özəl məktəblərə qəbul üçün böyük ianələr və ya nüfuzlu şəxslərin tövsiyə məktubları tələb edilir. Eyni zamanda yerli kunq-fu ustaları Brüs Linin bu döyüş növünü amerikalılara öyrətməsindən narazılıq edirlər. Digər tərəfdən isə ABŞ dəniz piyadası olan tələbələrdən biri kunq-funun ordu təlimlərinə salınmasının vacibliyini rəhbərliyinə sübut etməyə çalışır.

«İp Man 4» dramatik döyüş filmi rejissor Vilson İp tərəfindən ekranlaşdırılıb və məşhur franşizanın davamıdır. Çin və Honkonq istehsalı olan ekran əsəri 2019-cu ildə işıq üzü görüb. Əsas rolları Donni Yen, Denni Çan, U Yue və Skott Edkins canlandırıblar.