Əsrin yarışı

Britaniyalı həvəskar yaxtaçı Donald Krouhörst 1968-ci ildə bütün var-dövlətini girov qoyaraq ömrünün ən böyük arzusunun ardınca getmək qərarına gəlir. O, «Sunday Times» qəzetinin mükafatı uğrunda keçirilən reqatada təkbaşına iştirak edərək təhlükəli dünya səyahətinə çıxır.

Səfərə başladıqdan az sonra Donald bu çətin yarışda qalib gəlməyin qeyri-mümkün olduğunu başa düşür. Lakin o, asanlıqla təslim olmaq niyyətində deyil və mübarizədən çəkilmək əvəzinə ağlasığmaz bir fırıldağa əl atmağı planlaşdırır.

«Əsrin yarışı» («The Mercy») bioqrafik dram filmi rejissor Ceyms Marş tərəfindən ekranlaşdırılıb. 2017-ci ildə təqdim olunan ABŞ, Böyük Britaniya və Fransa istehsalı olan bu layihədə əsas rolları Mark Devison, Endrü Bakan, Pol Tonli və Sem Hoar canlandırıb.