Aşoka

Uşaqlıqda şahzadə Aşokaya düşmənlə dostu ayırmayan qəddar bir qılınc verilsə də, o, gözlənilənin əksinə sakit xasiyyətli bir gənc kimi böyüyür. Anasının təkidi ilə saray həyatından uzaqlaşıb sadə bir səyyah cildində yollara düşən varis, yad ellərdə gizlənən gözəl şahzadə Kaurvaki ilə tanış olur və ona aşiq olur.

Lakin taxt üstündə qardaşları ilə başlayan qanlı çəkişmələr gənci yenidən vətəninə qayıtmağa məcbur edir. Kaurvakinin öldüyü yalanına inandırılan Aşoka büsbütün dəyişərək qəddar bir hökmdara çevrilir, başqa bir qadınla ailə qurur və qardaşlarının qanını tökərək Kalinganı fəth etməyə yollanır, amma sevdiyi qadın əslində sağdır.

«Aşoka» tarixi dram və döyüş filmini 2001-ci ildə Hindistan rejissoru Santoş Sivan ekranlaşdırıb. Ekran əsərində baş rolları Şahrux Xan, Karina Kapur, Denni Denzonqpa və Rişita Bxatt canlandırıblar.