İngiltərəli Dreyk

On altıncı əsrdə İspaniya dənizlərdə tam üstünlüyə sahib idi və bir çox əraziləri öz təsiri altında saxlayırdı. Hələlik dəniz hakiminə çevrilməmiş İngiltərə isə İspaniya kralı II Filippin lütfkar münasibətinə dözməli olurdu. Mövcud vəziyyətlə barışmaq istəməyən kraliça I Yelizaveta quldur Dreykə İspaniya məskənlərinə hücum etmək və onun sərvətlərini ələ keçirmək üçün tam sərbəstlik verir.

Bu addım ada dövlətinin dənizlərə doğru böyük yürüşünün əsasını qoyur. Qarşıda isə kraliçanı və dənizçini Yelizavetanın sarayındakı yüksək rütbəli şəxslərin İspaniyanın xeyrinə qurduğu sui-qəsdlər, təhlükəli uzaq səfərlər və Böyük Armadanın darmadağın edilməsi gözləyir.

«İngiltərəli Dreyk» filmi 1935-ci ildə Böyük Britaniyada rejissor Artur B. Vuds tərəfindən çəkilib. Bioqrafik dram janrındakı bu ekran əsərində baş rolları Corc Merritt, Donald Vulfit, Torin Tetçer və İen Fleminq canlandırıblar.