Çarli belə dedi

Gənc bir aspirant "Ailə" sektasının qadın üzvləri tərəfindən törədilmiş silsilə qətllərdən bəhs edən elmi iş hazırlayır. Həmin cinayətkar qruplaşmanın başında ölüm cəzasına məhkum edilmiş Çarlz Menson dayanırdı. Qeyri-adi təsir gücünə malik bu adamın təsiri altına düşən adi gənc qadınlar onun göstərişi ilə ən ağır cinayətləri belə törətməyə hazır vəziyyətə gəlmişdilər.

Araşdırmaçı baş verənlərin mahiyyətini anlamaq üçün cəzaçəkmə müəssisəsinə yollanır. O, burada ömürlük həbs cəzası çəkən üç keçmiş sekta üzvü ilə görüşür.

"Çarli belə dedi" (Charlie Says) bioqrafik kriminal dramını rejissor Meri Herron ərsəyə gətirib. ABŞ istehsalı olan bu 2018-ci il filmində baş rolları Ceki Coyner, İndiya Ennenqa, Aaron Leddik və Kristofer Qers canlandırıb.