Komandante

1940-cı ilin oktyabrında Atlantik okeanında növbətçilik edən İtaliya sualtı qayığı gözlənilməz hədəflə qarşılaşır. İşıqları söndürülmüş və silahlanmış ticarət gəmisi aşkar edildikdən sonra sualtı qayıq onu batırır.

Hücumdan dərhal sonra italiyalı dənizçilər batırılan gəmidəki insanları taleyin ümidinə buraxmırlar. Onlar suda qalan 26 belçikalını göyərtəyə qaldıraraq xilas edirlər. Heyət xilas edilən insanları sağ-salamat quruya çıxarmaq üçün ən yaxın təhlükəsiz limana doğru istiqamət alır.

Bioqrafik hərbi dram janrında çəkilən «Comandante» filminin rejissoru Edoardo De Ancelisdir. İtaliya və Belçikanın birgə istehsalı olan ekran əsəri 2023-cü ildə işıq üzü görüb və əsas rolları Corco Kantarini, Yohan Heldenberq, Lorenzo Tomazzoni və Lukas Tavernier canlandırıblar.