The Report

2001-ci il 11 sentyabr terror hadisələrindən dərhal sonra ABŞ xüsusi xidmət orqanları hücumun təşkilində əli olmaqda şübhəli bilinən şəxslərin dindirilməsi zamanı ən sərt metodlara əl atmağa başlayır. Kəşfiyyat əməkdaşları zəruri məlumatları almaq üçün mübahisəli və radikal üsullardan çəkinmirlər.

«The Report» filmi Mərkəzi Kəşfiyyat İdarəsi tərəfindən tətbiq edilən bu gizli dindirmə proqramının araşdırılmasını əks etdirir. Həqiqətin üzə çıxarılması istiqamətində atılan addımlar dövlət strukturlarının gizlətməyə çalışdığı həssas faktları gün işığına çıxarır.

ABŞ istehsalı olan bu bioqrafik dram 2019-cu ildə rejissor Skott Z. Börns tərəfindən çəkilib. Ekran əsərində rolları Tim Bleyk Nelson, T. Rayder Smit, Con Rotmen və Ceyk Silbermann canlandırıb.