Saxtakâr

İyirmi bir yaşlı Sioma hər vəziyyətdə nikbin qalmağı və gülümsəməyi bacarır, lakin 1942-ci ilin Berlinində yaşayan bir yəhudi üçün bunu etmək heç də asan deyil. O, gizlənmək əvəzinə hamının gözü qarşısında gəzir, zavodda işləyir və şəhəri tərk etmiş valideynlərinin geniş mənzilində qalır.

Gəncin həm də gizli bir fəaliyyəti var. Yəhudiləri ölkədən xilas etməyə çalışan vəkil Frans Kaufman üçün Sioma saxta pasportlar hazırlayır və bunun müqabilində ərzaq talonları alır. Lakin o, xeyli vaxtdır kimlərinsə diqqət mərkəzində olduğundan və izlənildiyindən xəbərsizdir.

«Der Passfälscher» adlı bioqrafik dram filminin rejissoru Meqqi Perendir. Almaniya və Lüksemburq istehsalı olan bu ekran işi 2022-ci ildə nümayiş olunub. Baş rolları Yotam İşay, Ceraldin Rats, Kris Veber və Katrin Yanke canlandırıblar.