Mr. Jones

1930-cu illərin əvvəllərində uelsli gənc jurnalist Qaret Cons Sovet İttifaqına yollanır. Onun əsas məqsədi Stalinlə görüşmək və sovet rəhbərindən müsahibə almaqdır.

Lakin ölkədəki vəziyyətlə tanış olduqdan sonra Qaret amansız repressiyalar və xalqın üzləşdiyi kütləvi fəlakətlə qarşılaşır. Həyatını təhlükəyə atan müxbir sovet rejiminin gizlətdiyi həqiqətləri qələmə alır, xüsusi xidmət orqanları isə onun səsini kəsməyə çalışır. Həmin vaxt Consun şahid olduğu hadisələr gənc yazıçı Corc Oruellin diqqətini çəkir və onu "Heyvanıstan" povestini yazmağa sövq edir.

Rejissor Aqneşka Hollandın çəkdiyi "Mr. Jones" dramı 2019-cu ildə Böyük Britaniya, Polşa və Ukrayna tərəfindən istehsal olunub. Əsas rollarda Cozef Moul, Marçin Latallo, Kennet Krenem və Roman Skorovski çəkiliblər.