Olli Makinin həyatında ən xoşbəxt gün

Finlandiyalı boksçu Olli Məki yarım-yüngül çəkidə dünya çempionu kəmərini qazanmağa çox yaxındır. Əvvəlki uğursuzluqları geridə qoyan əyalət idmançısına böyük şöhrət və var-dövlət vəd edilir.

Həlledici döyüş öncəsi bütün diqqətini məşqlərə yönəltməli olan idmançı gözlənilmədən bir qıza aşiq olur. Şəxsi hisslər qələbə yolunda fərqli sınağa çevrilir, lakin Olli idman tarixinə məhz bu hadisələrin sayəsində düşür.

Bioqrafik dram olan «Hymyilevä mies» filmini rejissor Yuho Kuosmanen lentə alıb. Finlandiya, İsveç və Almaniya istehsalı olan 2016-cı il ekran əsərində baş rolları Yarkko Lahti, Olli Rahkonen, Joanna Haartti və Yarmo Kiuru canlandırır.