Lamborghini: Əfsanənin arxasındakı adam

İkinci Dünya müharibəsindən sonra dağılmış vətəninə qayıdan Ferruçço Lamborgini ailəsinin kənd təsərrüfatı ənənəsini davam etdirmək istəmir. Uşaqlıqdan mürəkkəb mexanizmlərə və texnikaya maraq göstərən gənc öz işini qurmağa qərar verir. O, fəaliyyətinə traktor istehsalı ilə başlayır və tezliklə uğurlu sahibkara çevrilir.

Əldə etdiyi qazanc və təcrübə Ferruççoya çoxdankı arzusunu xatırladır: yüksək sürətli idman avtomobilləri yaratmaq. Yaşlaşdıqdan sonra o, Enso Ferrari ilə rəqabətə girərək bazarda ən güclü və gözəl idman maşınını buraxmağı hədəfləyir.

«Lamborghini: The Man Behind the Legend» bioqrafik dramı rejissor Robert Moresko tərəfindən çəkilib. ABŞ və İtaliyanın birgə istehsalı olan bu film 2022-ci ildə nümayiş olunub. Əsas rolları Corco Kantarini, Fortunato Çerlino, Andrea Bruski və Eliana Cons ifa edir.