Buzla mübarizə

1909-cu ildə Qrenlandiyanın şimal-şərqində Danimarka ekspedisiyası fəaliyyət göstərir. Qrupa rəhbərlik edən Ejnar Mikkelsen itkin düşmüş sələflərinin izini tapmağa çalışır. Həmin heyət ABŞ-ın Qrenlandiyanın boğazla iki yerə bölündüyü barədə iddialarını təkzib etmək və torpaqların bütövlükdə Danimarkaya aid olduğunu sübut etmək üçün yola çıxmışdı. Əvvəlki dəstənin gündəliyi tapıldıqdan sonra kapitan geri qayıtmaq əvəzinə bu həqiqəti şəxsən təsdiqləmək qərarına gəlir.

Mikkelsen amerikalıların iddialarını tamamilə alt-üst etmək məqsədilə xizək itləri ilə təhlükəli yürüşə başlayır. Təcrübəli kapitanın bu çətin səfərdə yeganə yol yoldaşı gənc mexanik İver İversen olur. İki səyyah qarlı və buzlu ərazilərdən keçərək adanın bütövlüyünü sübuta yetirməyə çalışır.

«Against the Ice» tarixi dram filmi 2022-ci ildə Danimarka və İslandiya tərəfindən istehsal olunub. Ekran əsərinin quruluşçu rejissoru Peter Flinthdir. Əsas rolları Hokur M. Hrafnsson, Co Koul, Dirmed Mörta və Heyda Rid canlandırıblar.