Onoda

İkinci Dünya müharibəsi zamanı Filippinin Lubanq adasında xidmət edən yapon zabiti Hiro Onoda ölkəsinin təslim olması xəbərini qəbul etmir. Kiçik leytenant bu məlumatların düşmən təxribatı və yalançı təbliğat olduğunu düşünərək təslim olmaqdan boyun qaçırır.

Əsgərləri ilə birlikdə cəngəlliklərə çəkilən zabit döyüşü dayandırmır. Dəstə uzun illər boyunca tropik meşələrdə gizlənərək əvvəlki əmrlərə sadiq qalır və partizan mübarizəsini davam etdirir.

Bioqrafik dram filmi «Onoda» 2021-ci ildə rejissor Artur Harari tərəfindən çəkilib. Fransa, Yaponiya, Almaniya, İtaliya, Belçika və Kambocanın birgə istehsalı olan layihədə baş rolları Mutsuo Yoşioka, Yuya Matsuura, Encel Bayani və İssey Oqata canlandırıb.