XIV Lüdovikin ölümü

Fransa hökmdarı XIV Lüdovik zəngin süfrələri və yeməyi çox sevsə də, bu vərdişlər onun səhhətində ciddi fəsadlar yaradırdı. Kral onilliklər boyu müxtəlif xəstəliklərdən əziyyət çəkmiş və onun vəziyyəti yarım əsrdən çox müddətdə qeydiyyata alınmışdı.

Saray həkimləri monarxı sağaltmaq əvəzinə, daha çox gəlir əldə etmək üçün prosesi uzadırdılar. Həkimlərin təyin etdiyi ağır üsullar xəstə hökmdarın vəziyyətini daha da çətinləşdirirdi. «XIV Lüdovikin ölümü» tarixi dramı zəifləyən monarxın son günlərini və onu əhatə edən təbiblərin fəaliyyətini əks etdirir.

Ekran əsərinin quruluşçu rejissoru Albert Serradır. İspaniya, Fransa və Portuqaliyanın birgə istehsalı olan bu 2016-cı il bioqrafik filmində əsas rolları Jan-Pyer Leo, Luis Serrat, Olivye Kadyo və Joze Vallenştayn canlandırıblar.