Məlumatçı

Nebraskadan olan polis əməkdaşı Ketrin müharibədən yenicə çıxmış Bosniyaya ezamiyyətə göndərilir. Dağıntılar və xaosun hökm sürdüyü ölkədə onun əsas vəzifəsi qadınların cinsi istismarı və insan alverinin səbəblərini araşdırmaqdan ibarətdir.

Təhqiqat dərinləşdikcə Ketrin bu qanunsuz şəbəkəyə yerli hakimiyyət nümayəndələrinin və Birləşmiş Millətlər Təşkilatı işçilərinin də qarışdığını üzə çıxarır. Həqiqəti tapmaq yolunda o, qul taleyindən xilas ola bilmiş bir qadınla qarşılaşır. Hər iki qadın birlikdə BMT strukturundakı gizli cinayətləri və Bosniyada baş verən qanunsuzluqları ifşa etməyə çalışırlar.

Bioqrafik kriminal dram janrında çəkilmiş «Məlumatçı» («The Whistleblower») filmi 2010-cu ildə təqdim edilib. ABŞ, Kanada və Almaniya istehsalı olan ekran işinə rejissor Larisa Kondratski rəhbərlik edib. Əsas rollarda Devid Streteyrn, Nikolay Li Kaas, Roksana Quttman və Aleksandru Potoçan çıxış edirlər.