Prezidentin aşpazı

Periqor bölgəsində tanınmış baş aşpaz Hortensiya Labori gözlənilmədən respublika prezidentindən dəvət alır. Ölkə rəhbəri onu özünün şəxsi aşpazı təyin etmək istəyir. Qadın bu təklifi qəbul edərək paytaxta yollanır və prezident sarayında fəaliyyətə başlayır.

Hortensiyanın hazırladığı ənənəvi fransız yeməkləri tez bir zamanda dövlət başçısının rəğbətini qazanır. Lakin saray mətbəxində onu digər işçilərin qısqanclığı və daxili qaydalar qarşılayır. Yeni aşpaz bütün bu maneələrlə üz-üzə qalmalı olur.

Fransa istehsalı olan «Les saveurs du Palais» bioqrafik komediya filmi 2012-ci ildə rejissor Kristian Vensan tərəfindən çəkilib. Baş rolları Katrin Fro, Nikolas Şupen, Jan-Mark Buasse və Roş Leyboviçi canlandırıb.