Vilhelm Tell haqqında əfsanə

Hadisələr 1307-ci ildə, Müqəddəs Roma İmperiyasının zəiflədiyi dövrdə cərəyan edir. Bütün Avropanı nəzarət altına almaq istəyən Avstriyanın Habsburqlar sülaləsi yeni torpaqlar ələ keçirməyə çalışır. Nəticədə İsveçrə torpaqları qəddar hökmdarın hücumu və təzyiqi ilə üz-üzə qalır.

Doğma yurdunu müdafiə etmək üçün təcrübəli ovçu və mahir oxatan Vilhelm Tell ayağa qalxır. O, ədalətsizliyə boyun əyməyərək xalqı arxasınca aparır və azadlıq uğrunda üsyan təşkil edir. Yerli sakinlər öz müstəqilliklərini qorumaq üçün amansız rejimə qarşı çıxırlar.

«Vilhelm Tell» tarixi hərbi dram filmi 2024-cü ildə Böyük Britaniya, İtaliya və İsveçrənin birgə istehsalı ilə çəkilib. Ekran əsərinin rejissoru Nik Hemmdir. Əsas rolları Emili Biçem, Nina Zem, Alessandro Qrilli və Cess Duqlas-Uelş canlandırıblar.