Qızımın adı ilə

Gənc Kalinkanın qəfil vəfatından sonra atası Andre Bamberski hadisə ilə bağlı irəli sürülən rəsmi iddialarla razılaşmır. Kədərli ata doğma övladının başına nə gəldiyini aydınlaşdırmaq üçün şəxsi mübarizəsinə start verir.

Həqiqətin üzə çıxarılması prosesi təxminən üç onillik çəkir. Düz 27 il davam edən araşdırmalar nəticəsində Bamberski cinayətdə şübhəli bilinən şəxsin izinə düşür və ədalətin bərqərar olması üçün fürsət əldə edir.

«Au nom de ma fille» bioqrafik cinayət dramı Fransa və Almaniya tərəfindən birgə istehsal olunaraq 2014-cü ildə təqdim edilib. Vensan Qarenkin çəkdiyi ekran əsərində baş rolları Daniel Otoy, Natali Beder, Patrik Xauter və Fred Personn canlandırıblar.