Deyvin bankı

Börnli şəhərindən olan ingilis iş adamı Deyv Fişvik mövcud maliyyə sistemini dəyişmək fikrinə düşür. O, iri təşkilatların diqqətdən kənarda saxladığı yerli kiçik biznesi dəstəkləmək məqsədilə öz doğma məkanında ilk ictimai bankı açmaq qərarına gəlir.

Lisenziya almaq prosesi isə heç də asan başa gəlmir və o, paytaxtın mühafizəkar bank dairələrinin sərt müqaviməti ilə üzləşir. Şəhər sakinlərinin inamını qazanan Deyv, ədalətli sistem yaratmaq üçün hüquqşünasların köməyi ilə bürokratik əngəlləri aşmağa çalışır.

2022-ci il istehsalı olan «Bank of Dave» bioqrafik komediya-dram filminin rejissoru Kris Foqqindir. Böyük Britaniyada çəkilən ekran əsərində Coel Fray, Keti Tayson, Florens Holl və Def Leppard qrupu rol alıblar.