Müqəddəs Cudi

İmmiqrasiya üzrə hüquqşünas Cudi Vud bütün fəaliyyətini ABŞ-da sığınacaq axtaran qadın qaçqınların hüquqlarının müdafiəsinə yönəldir. O, doğma yurdunda həyati təhlükə ilə üzləşən çarəsiz qadınların məhkəmə işlərinə baxaraq onların təhlükəsizliyini təmin etməyə çalışır.

Hüquqşünasın ilk önəmli işlərindən biri Əfqanıstandan olan müəllimə ilə bağlı olur. Qızlar üçün məktəb açdığına görə taliblərin təqibinə məruz qalan bu qadın ölkəsini tərk etmək məcburiyyətində qalmışdı. Cudi onun hüquqlarını qorumaq və Amerikada qanuni sığınacaq almasına nail olmaq üçün əlindən gələni edir.

ABŞ istehsalı olan «Müqəddəs Cudi» bioqrafik dram filmi 2018-ci ildə rejissor Şon Haniş tərəfindən lentə alınıb. Baş rolları Mişel Monahan, Samira İzadi, Fəhim Fazli və Qil Birminhem ifa edirlər.