Teslanın azad enerjisi

Uşaq yaşlarında ağır xəstəliyə düçar olan gələcək ixtiraçı ailəsinə mühəndis olmağa icazə veriləcəyi təqdirdə sağalacağına söz vermişdi. O, bu vədinə əməl edərək bütün ömrünü texnika və elm sahəsinə bağladı. Beləliklə, dünya elektrik sahəsində dönüş yaradacaq unikal bir alim qazandı.

«Teslanın azad enerjisi» sənədli filmi Nikola Teslanın araşdırmalarına, qətiyyətinə və elektrik haqqındakı ənənəvi təsəvvürləri dəyişdirən ideyalarına nəzər salır. Dahi fizikin qeyri-adi tədqiqatlarla dolu həyat yolu bir çoxlarına həqiqətdən daha çox sirli bir əfsanə kimi görünürdü.

Ukrayna istehsalı olan bu bioqrafik layihə 2013-cü ildə ekranlara çıxıb. Ekran əsərinin quruluşçu rejissoru Mişa Kostrovdur, rollarda isə Mixail Auqust, Viktor Kuznetsov, Tatyana Perizhok və N. Taran çəkiliblər.