Nannerl, Motsartın bacısı

Nannerl erkən yaşlarından qardaşı Volfqanqla birlikdə musiqi ifa edərək Avropanın böyük paytaxtlarını gəzir. İstedadlı qız qitənin hər yerində dinləyicilərin rəğbətini qazanır. Ailənin üçillik qastrol səfəri başa çatdıqdan sonra isə o, dövrün qoyduğu məhdudiyyətlərlə üzləşir.

Versalda olarkən gənc qız Fransa kralı XV Lüdovikin oğlu ilə tanış olur. Şahzadə onun musiqi bəstələmək arzusunu dəstəkləyir və ona inam verir. Lakin həmin dövrün qaydalarına görə, qadınların bəstəkarlıqla məşğul olmasına qadağa qoyulmuşdu.

2010-cu ildə çəkilmiş Fransa istehsalı olan «Nannerl, la soeur de Mozart» bioqrafik dramının rejissoru Rene Feredir. Baş rolları Mari Feret, Mark Barbe, Delfin Şiyo və David Moro canlandırıb.