İbn Sina

On səkkiz yaşlı təbib İbn Sina Buxara əmirini ölümcül xəstəlikdən xilas edir. Hökmdarın təklif etdiyi qızıl və fəxri adlardan imtina edən gənc mükafat kimi yalnız saray kitabxanasına daxil olmağa icazə istəyir. Qədim filosof və alimlərin əsərlərini dərindən araşdıran, təbiəti müşahidə edərək çoxsaylı təcrübələr aparan gənc öz biliklərini daha da zənginləşdirir.

Lakin Qəznə hökmdarı Mahmudun qoşunları Buxaraya hücum edərək şəhəri qarət edir və misilsiz kitab xəzinəsini yandırır. Vətənini tərk etmək məcburiyyətində qalan İbn Sina uzun illər didərgin həyatı yaşayır. Nəhayət, o, şagirdi Cuzcani ilə birlikdə vəba epidemiyasının tüğyan etdiyi Xarəzm paytaxtı Gurgəncə gələrək xəstəliklə mübarizəyə başlayır.

«İbn Sina» bioqrafik filmi 1956-cı ildə SSRİ-də rejissor Kamil Yarmatov tərəfindən lentə alınıb. Baş rolları Marat Aripov, Tulkan Tadjiyev, Abbas Bəkirov və Rəzzaq Həmrayev canlandırıblar.