Sonsuzluq

Gələcək Nobel mükafatçısı Riçard Feynmanın gənclik illəri elm və dünya üçün mürəkkəb bir dövrə təsadüf edir. «Sonsuzluq» adlı bioqrafik dram amerikalı nüvə fizikinə həsr olunub və onun ilk sevgisini, eləcə də şəxsi həyatındakı vacib hadisələri əks etdirir.

Elmi axtarışları və romantik münasibətləri ilə yanaşı, gənc fizik tezliklə dövlət miqyaslı tədqiqatlara cəlb olunur. O, bəşəriyyət tarixində ilk atom bombasının hazırlanması prosesində fəal iştirak etməli olur.

1996-cı il istehsalı olan ABŞ filminin rejissoru və baş rol ifaçısı Metyu Broderikdir. Layihədə həmçinin Ceffri Fors, Piter Riqert və Devid Dryu Qallaher çəkiliblər.