Kretsul

1997-ci ildə Kişinyova qayıdan cüdoçu Oleq Kretsul yenicə ilk Olimpiya Oyunlarında çıxış edib. O, ailə həyatı qurur, lakin toyundan cəmi üç gün sonra sükan arxasında qəzaya düşür. Həyat yoldaşı həlak olur, sağ qalan Oleq isə görmə qabiliyyətini itirir, sevdiyi idmandan və qazanc mənbəyindən məhrum qalır.

Belə ağır məqamda onun köməyinə uşaqlıq dostu Vitali çatır. O, Oleqə hər addımda dayaq olaraq onu yenidən məşqlərə, yarışlara və həyata qaytarır. İdmançı əsl sədaqətin, təmənnasız dostluğun və möhkəm iradənin nə olduğunu şəxsi təcrübəsində anlayır.

«Kretsul» bioqrafik idman dramını rejissor Aleksandra Lixaçeva lentə alıb. 2023-cü il istehsalı olan bu beynəlxalq layihədə Türkiyə, Rusiya, Litva və Moldova kinematoqrafçıları çalışıb, əsas rolları Nikita Volkov, Sergey Volkov və Olqa Sofrikova canlandırıb.