Maykl Cekson: Neverlendi axtararkən

2006-cı ilin dekabrında Maykl Cekson Bəhreyndən ABŞ-a qayıdır və övladları ilə birlikdə Las-Veqasda icarəyə götürdüyü malikanədə məskunlaşır. Məhkəmə prosesləri və axtarışların yaratdığı ağır xatirələr səbəbindən müğənni «Neverlend» rançosuna dönmək istəmir. O, ailəsi üçün dinc və təhlükəsiz yeni bir sığınacaq tapmağa çalışır.

Sənətçini və uşaqlarını qorumaq üçün cangüdənlər Bill Uitfild və Cavon Bird işə götürülür, hadisələr də məhz onların baxış bucağından təqdim olunur. Mühafizəçilər Ceksonu israrlı paparatsilərdən və kənar adamlardan qorumaq məcburiyyətində qalırlar. Bu ərəfədə isə musiqiçi artan maliyyə çətinliklərinə baxmayaraq adi bir ailə həyatı sürməyə səy göstərir.

«Michael Jackson: Searching for Neverland» bioqrafik dram filmi 2017-ci ildə ABŞ-da istehsal olunub. Ekran əsərinin rejissoru Dayan Hyustondur. Əsas rollarda Çad L. Koulmen, Sem Adoqoke, Nondumiso Tembe və Starletta Düpua çəkiliblər.