Əsl qadın

Jaklin Süzanın şou-biznesdə, eləcə də televiziya və radioda uğur qazanmaq cəhdləri uzun müddət boşa çıxırdı. Çoxsaylı uğursuzluqlara baxmayaraq, onun böyük iddiaları, qaba yumor hissi və tükənməz həyat sevgisi vardı.

Ağır ailə kədəri və qarşısıalınmaz xəstəlik belə onun əzmini sındıra bilmir. Güclü xarakteri, coşqun enerjisi və qayğıkeş ərinin dəstəyi sayəsində o, heç kimin tanımadığı birindən dünya miqyaslı məşhura çevrilir.

1999-cu ildə çəkilən «Isn't She Great» bioqrafik komediya-dram filminin rejissoru Endrü Berqmandır. ABŞ, Böyük Britaniya, Kanada, Almaniya və Yaponiya istehsalı olan bu ekran əsərində baş rolları Bett Midler, Neytan Leyn, Stokard Çenninq və Devid Hayd Pirs canlandırıb.